Барселонскі ўніверсітэт — адзін з першых універсітэтаў Каталоніі, заснаваны 3 лістапада 1450 г. У ім навучаюцца 74000 студэнтаў, якія па традыцыі вывучаюць тэалогію, медыцыну, грамадзянскае права, філасофію і мастацтва. Штогод універсітэт выдае 10.000 дыпломаў бакалаўра і прысуджае 400 доктарскіх ступеняў. Выкладанне вядзецца на каталонскай мове, бясплатныя курсы якой арганізаваны пры ўніверсітэце для зручнасці прыезджых студэнтаў.